PHP i zir ang aw! - Part 2

Post hmasa lamah khan PHP nihphung te kan rawn sawi tawh a. Part 1: PHP i zir ang!
PHP hi language awl tak a ni kan tih tawh kha, tunah chuan a coding kan luhchilh tan tawh dawn a. A bultan nan PHP language a syntax kan hman thenkhatte leh variable kan hrilhfiah dawn a ni.
Language syntax te hi chiang taka a hman dan tur i hriat chuan awlsam takin Program i ziak thei tawh ang.

PHP hmang a code kan ziah te hi a hnuaia tag chhungah hian kan ziak thin tur a ni.

<?php    // Opening Tag

// Hetah hian i code i ziak ang

?>        // Closing Tag

Code hlawm(statement) te hi semicolon hmang in kan titawp ngei bawk thin.

<?php

echo "Welcome to Herawt";

?>

Programmer tha chuan an code ziah te thawhdan tha takin an hrilhfiah thin a, chu chuan nakina a source code te thlakdanglam emaw siam that emaw a ngaih hunah nasa takin a tanpui thin a. A hnuai a tarlan ang hian PHP hian single-line leh Multi-line comment a support a ni.

<?php

//  Hei hi line pakhat chauh comment na

/*  Line pakhat
aia tam kan
comment thei bawk  */

?>

Variable te hi PHP ah chuan $ sign hmang in kan chhinchiah thin a. Programming language a variable kan han tih te hi data kan mamawh tur kan dahthatna bawm ti ta mai ila a dik awm e. Kan variable in a data a dahthat(stored) te hi kan mamawh dan a zirin kan thlak danglam thin a ni.

<?php

$myvariable = "<h2>Hello. My first PHP program</h2>";
echo $myvariable;

$myvariable = "A lo har lo hle mai";  // Kan variable-ah value dang kan dahlut leh
print $myvariable;

?>

Khai le! WAMP server i la install loh chuan install la. I text editor (Notepad++, Dreamweaver) duh ber kha han hawng la, a chung a code kan ziah khi han chhu lut la, I WAMP server root folder ah khan index.php (a hming hi chu i duh duh i hmang thei ang) ti in han save tawp mai la. I save zawh hnuah i browser hawng la http://localhost/index.php han type la. A hnuaia screenshot kan han tarlan ang hi i hmu a nih chuan i PHP program ziah chu a dik tihna a ni ang.

A chung a Program tawi te kan han ziah ah khian $myvariable khi kan variable hming a ni a. echo leh print te khi variable chhunga thil awm te kan hmuh theih tur a Browser a rawn dahchhuahna hmangrua te an ni.

Source:http://www.herawt.com/