PHP I zir ang aw!

PHP language hi kum 1995 khan Rasmus Lerdorf an a lo siam chhuak a. PHP Language hi vangtlang in a dynamic web pages kan siam theihna tur a ruahman a ni a. Operating System (Windows, Linux, Mac) leh Web Server (Apache, IHS) zawng zawng deuhthawah
a thlawn in a hman theih avang hian khawvela Website maktaduai 20 aia tam te hian an hmang mek a ni.


PHP lampum chu PHP: Hypertext Preprocessor a ni a, a awmzia chu Hypertext te lo siam a pechhuaktu a ni mai awm e. PHP hi server-side scripting language a ni a. Server Side Scripting awmzia chu Website hmangtuten request web server-a an va siam azirin dynamic-in Webpage alo generate chhuak thin a. Kan HTML code ziah nen khan buaina awm miah lovin an thawh dun theih avangin dynamic-a HTML generate nan a tangkai em em a. Thil pawimawh deuh pakhat kan hriat tur chu eng ang PHP programming code harsa leh khirh pawh ziak ila a tawpa output kan hmuh tur chu HTML tho a ni dawn a. Chuvangin HTML i lo la hmelhriat lo anih chuan HTML Inhmelhriattirna hi i lo chhiar dawn nia.

Engvangin nge PHP hi ka hman ang?

1. Thil tha tak mai a thlawn a neih theih hi chu kan lawm theuh mai, chu kan lawm rawn siam tu pakhat chu PHP hi a ni a. PHP hi a thlawn a hman theih a tlangzarh a ni.

2. PHP hi Programming Language thiam awl ber te zing a mi a ni a. C leh Perl Programming a experience lo nei tawh tan phei chuan harsatna lutuk awm lo in a thiam thei a ni.

3. Ranna (Speed) hi Programming Language tha tehfungah chuan a pawimawh ber te zing a mi a ni a. PHP hmang a Software kan siam te hian Server Computer te phurrit nasa lutuk siam loin rang takin hna an thawk thei a ni.

4. Awlsam taka HTML nen a kan thawhdun tir thei hi a tangkai hle a ni.

5. He language hi platform chi hrang hrang Windows, Linux leh Macintosh ah te harsatna awm loin kan hmang thei a ni.

6. PHP hi vangtlang (community) behchhana siam leh enkawl anih avangin Code ziahsa leh zirna hmanrua tangkai tak tak te awlsam taka hmuh theih turin a awm a. Mi code ziah tawh te hi kan hman tangkai thiam chuan kan hun tam tak kan save thei dawn a ni.

PHP hmang tur hian eng te nge kan mamawh tak le?

• Apache Server
• MySQL
• Web Browser
• Text Editor
• PHP Parser

PHP hman dawn a hriat tur te

PHP hi C programming language hmang a siam a ni a, file extension hrang hrang kan hmang thei a. Chungte chu:

• index.php
• index.phtml
• index.php4
• index.php3
• index .php5
• index .phps

A hma a entirna ah khian index khi file hming a ni a, hming dang pawh kan hmang thei ang. Dot (.) hnulam a mi zawng khi file extension kan han tih te chu an ni.

PHP hi a thlawn in kan mamawhna apiangah kan hmang thei kan tih tawh kha. PHP Programming Language hi PHP License dan hmanga release a ni a. Free Programming language thenkhat Python, Ruby, Perl, etc. anglo takin GNU General Public License hi an hmang ve lo a. An inan lohna pakhat chu PHP hmanga thil kan siamchhuah reng rengah hian PHP hming hi PHP siamtute The PHP Group phalna la hmasa lo chuan a hman theih loh tih hi kan hriat a tha awm e.

Hriatchian duh leh hriatzau lehzual I duh chuan PHP Website hi I lo tlawh ve thin dawn a nia.

Note: Kan thuziah chianglo leh hriatbelh chak te kan nei a nih chuan in zawhna leh mamawh te in rawn tarlan theih chuan a lawmawm khawp ang.

Source:http://www.herawt.com/