CSS Nihphung

CSS chu enge anih kan sawi hma hauhin hriat tur tam tak a awm thei awm e. Enge Website awmzia? Enge Hypertext Markup Language (HTML) tih te kan hriat phawt loh chuan CSS kan sawi tur hian awmzia a nei dawn lo a ni.
CSS kan hman dawn reng reng in a pawimawh hmasa ber chu enge HTML, enge a hnathawh dan kan hriat chian a ngai a, a chhan chu CSS hi HTML kan tih nena kalkawp/inkawp tlat anih vang a ni.

CSS țobul

Kum 1970 atang daih tawh khan website cheimawi hi an lo tan tawh a, rintlak zawk leh changkang zawk a cheimawi duhna leh mamawhnate a lo nasat telh telh avangin World Wide Web Consortium chuan rawtna pakua siam chhuakin chung zinga a tha zual pahnih te chu la-in tuna CSS kan tih hi a lo piang chhuak ta a ni. Tichuan kum 1994 October-ah Håkon Wium Lie leh Bert Bos-te thawkdun chuan CSS hmasaber chu an rawn tlangzarh ta a ni.

CSS lampum leh a hming awmzia

CSS lampum chu Cascading Style Sheets tihna mai a ni a, cascading kan tih chuan thil a indawt dan anga remkhawm tihna a ni a, chutiangin stylesheets pawh thil landan leh a awmdan tur kan dahkhawmna hmun kha a ni leh mai a ni.

Enge CSS chu anih?

CSS chu stylesheet language chi khat a ni a, language kan tih chuan Mizo-in a computer tawng hman bik kan tih entirnan HTML , Java, C++ , etc. ang te hi a ni mai a, CSS chuan HTML document hrang hrang inremdan leh hawrawp lan dan, background, border leh thil dang dang va cheimawi, rem fel leh va remkhawm hi a thawh ber a ni. Hetianga document uluk taka kan remkhawm dan hi Typography tih a ni nghe nghe.

Enga tan nge CSS chu an hman?

Website mawi leh changkang kan duh chuan CSS hi hman ngei tur a ni a, a chhan chu CSS hmang hian styling chi hrang hrang fel fai takin a tih theih a, a style chi hrang hrangte hmun khata dahkhawm theih anih avangin kan style siam tawhsa te awlsam taka en let leh tih danglam zung zung te a ti awlsam in website siam thinte tan phei chuan hman a nuamin a tangkai hle a ni. A hmaa kan sawi tawh angin HTML leh CSS hi a kalkawp tlat kan tih tawh kha. HTML a thil kan ziah reng rengin kan thil ziah te kha browser a kan en chuan Figure (1) a kan hmuh ang hian alo hnawk nuaih thin a, khang kan thil ziah te kha CSS hmang hian kan duh dana lo rem khawm in keimahni duh dan, mawi leh tha kan tih ang zel in kanlo cheimawi thei thin dawn ani. A hnuaia mi ang hian CSS hman na chu kan hmu thiam awm e.

CSS tel lova HTML code browser-a a lan dan:

CSS a cheimawi hnua browser atanga a lan dan:

CSS that bikna

1. Language dang aiin hriatthiam a nuam in a awlsam bik
2. Styling-te hmunkhata dahkhawm theih anih avangin style chhui let leh a awlsam a, space a heh loh phah bawk
3. Element hrang hrangte inrin țawm theih tura style pek a theih bawk avangin hun a heh lo bik
4. Mawi leh nalh kan tih ang taka thil kan design-te a nihna ang taka siamchhuah theih anih avangin website pawh a mawi duh bik a ni.

Source:http://www.herawt.com